«Astana-Atyraý» poıyzynda shetel azamaty tóbeles shyǵardy
ASTANA. 20 shilde. QazAqparat - 19 shilde kúni «Astana-Atyraý» jolaýshylar poıyzy Atbasar stansasynda aıaldap turǵan kezde, poıyz basshysy RF Sheshen Respýblıkasynyń 53 jastaǵy azamatyn ári qaraı tasymaldaýdan bas tartý týraly akti toltyrdy,
dep habarlady ІІM Kóliktegi ishki ister departamentiniń baspasóz qyzmetinen.
Aktini toltyrýǵa ishimdikke sylqııa toıyp alǵan jolaýshynyń polıtsııa qyzmetkerlerine moıynsunbaýy sebep bolǵan. Ábden qyzyp alyp, elirgen jolaýshyny tynyshtandyrmaq bolǵan polıtsııa qyzmetkerlerine álgi azamat qarsylyq kórsetken: polıtsııa aǵa leıtenantynyń qolynan tistegen, al kishi leıtenanttyń pogonyn julyp alǵan.
Nátıjesinde, oqıǵanyń mán-jaıyn anyqtaý úshin álgi azamat poıyzdan túsirilip alyp qalynyp, Astana stansasyndaǵy jelilik ishki ister bólimine jetkizildi. Kólik polıtsııasy qazir tekserý júrgizip jatyr.
