«Astana» - «Atletıko» oıynyna 17 myń bılet satyldy
ASTANA. QazAqparat - 3 qarasha kúni «Astana» fýtbol klýby Chempıondar lıgasynyń toptyq kezeńi aıasynda óz alańynda Ispanııanyń «Atletıko» komandasyn qabyldaıdy. Qazirgi kezde 17 myńnan astam bılet satylǵan, dep habarlaıdy «Astana» FK-nyń baspasóz qyzmetinen.
Ázirge bıletter tek onlaın-rejımde satylyp júrgenin atap ótý kerek. Bıletti satyp alý úshin uıaly telefon, planshet nemese kompıýterdi paıdalaný jetkilikti. «Bıletterdi satyp alý» túımeshesin www.ticketon.kz, www.sports.kz, www.vesti.kz saıttarynan taýyp alýǵa bolady.
Bıletterdi onlaın-rejım arqyly satyp alyp, jankúıer biregeı QR-kody bar elektrondyq bılet alady. Keıinnen bul kod boıynsha úsh satý ornynyń (Mega-ortalyq, «Qazaqstan» SK, Kongress-Holl) birinen Chempıondar lıgasynyń oıynyna bıletti bastyryp shyǵarýǵa bolady.
Oıynnyń bastalýy - saǵat 21:00-de. Qala ákimdigi jankúıerlerdiń avtobýstarmen jetkizilýin qamtamasyz etedi. Oıyn aıaqtalǵan soń, osy avtobýstar adamdardy qalaǵa aparady.
Astana ýaqytymen saǵat 18:00-de avtobýstar jankúıerlerdi kelesi mekenjaılarda kútetin bolady:
1. «Qazaqstan» SK.
2. Munaıtpasov atyndaǵy stadıon.
3. «Nur-Astana» meshiti.
4. Saltanat saraıy.
