Astana ataýynyń ózgerýin bolashaqtaǵy jańa talpynysqa balaǵan durys - «Nur Otan» hatshysy

ASTANA. QazAqparat - «Nur Otan» partııasynyń hatshysy Qanybek Jumashev Astana qalasynyń ataýyn ózgertýge qatysty usynysqa qoldaý bildirdi.

«Elordamyz Astana qalasyn «Nur-Sultan» dep ataýyn ózgertý týraly QR Parlamenti Májilisiniń qabyldaǵan sheshimi - táýelsiz Qazaqstannyń irgesin qalap, keregesin keńitip, shańyraǵyn bıikke asqaqtatqan Ult kóshbasshysy Nursultan Nazarbaevqa degen aq peıil, shynaıy qurmet, xalqymyzdyń rızashylyǵy dep túsinemin. Qala ataýynyń ózgerýin jarqyn bolashaqqa degen jańa talpynysqa, úlken senimge, aqtalar úmitke balaǵan durys. «Astana» degen álemge tanys bolǵan brendti basqa nysandardan almaı, saqtap, odan ári damyta otyryp, elordamyzdyń jańa «Nur-Sultan» ataýyn kóńilimizge toqı bereıik degim keledi», - dedi ol.

Qanybek Jumashev jalpy ulttyń birligi men yntymaǵy úshin mámilege kele bilgen qazaqstandyqtar bul joly da asqan parasattylyq pen danalyqty tý eterine senim bildirdi.