Astana ataýy Prezıdent Jarlyǵymen ózgeredi - Ádilet mınıstri
NUR-SULTAN. QazAqparat – Astana ataýy Prezıdent Jarlyǵymen ózgeredi. Bul týraly QR Ádilet mınıstri Qanat Mýsın aıtty, dep habarlaıdy QazAqparat tilshisi.
Parlament palatalarynyń birlesken otyrysynan keıin BAQ ókilderi mınıstrden astana ataýyn ózgertý protsedýrasynyń retin surady.
«Qoldanystaǵy zańnamaǵa sáıkes, Konstıtýtsııada astana ataýyn ózgertý Prezıdenttiń Jarlyǵy arqyly júzege asyrylady», - dep jaýap berdi Qanat Mýsın.
Sonymen qatar ol aldaǵy ýaqytta elorda ataýynyń ózgerý múmkindigine qatysty da pikirin bildirdi.
«Astana ataýy eshqashan ózgertilmeıtin normaǵa jatpaıdy. Ózgerýi múmkin», - dedi ol.
