Astana aspanynda alǵash ret aerotaksı synaqtan ótedi
ASTANA. KAZINFORM — Astanadaǵy «Qazanat» ıppodromynyń aýmaǵynda 24 shildede alǵash ret aerotaksıdiń demonstratsııalyq ushýy ótedi.
Qala aspanyna tik kóterilip, tik qona alatyn elektrli áýe kóligi — eVTOL ushyrylady. Demonstratsııalyq ushý úshin bir ushqysh pen bes jolaýshyǵa arnalǵan AutoFlight Prosperity modeli tańdalǵan. Ol saǵatyna 200 shaqyrymǵa deıin jyldamdyqpen ushyp, 200 shaqyrymǵa deıingi qashyqtyqty eńsere alady.
Synaq 24 shilde kúni saǵat 09:00–de «Qazanat» ıppodromynyń aýmaǵynda ótedi dep josparlanǵan. Alaıda uıymdastyrýshylar aýa raıy qolaısyz bolǵan jaǵdaıda ushý kúni men ýaqyty ózgerýi múmkin ekenin eskertti.
Eske salaıyq, Qazaqstanda eVTOL áýe kóliginiń alǵashqy demonstratsııalyq ushýy 2026 jylǵy 19 mamyrda Alataýdaǵy elimizdegi alǵashqy vertıporttyń aýmaǵynda ótken bolatyn.
Sondaı-aq bıyl maýsym aıynda Qazaqstanda aerotaksı, eVTOL jáne ushqyshsyz avıatsııany damytýǵa quqyqtyq negiz qalaǵan zań kúshine endi.
