Astana asa jaıly ári shyraıly qala - Tokıolyq balet bıshisi
ASTANA. QazAqparat - Astana asa jaıly ári jyly shyraıly qala. Bul týraly QazAqparat agenttiginiń tilshisine bergen suhbatynda «Astana-Opera» memlekettik opera jáne balet teatrynyń balet ártisi Marıko Kıtamýra aıtty. Ol búginde elordaǵa Japonııanyń Tokıo qalasynan kelip, jumys istep jatyr.
«Men osynda ekinshi jyl jumys istep jatyrmyn. Alǵash kelgen sátten bastap qala maǵan qatty unady, sebebi, munda keńistik kóp jáne aýasy taza. Osyǵan deıin men Máskeýde 5 jyl jumys istedim. Astanada ózimdi erkin sezinemin jáne jergilikti halyq jyly shyraıly ári qonaqjaı»,-deıdi M. Kıtamýra.
Osy oraıda Qazaqstannyń elordasy qazirgi zamanǵy ǵımarattarymen, sondaı-aq ózindik sáýlettik belgisimen erekshelenetinin atap ótti.
«Osynda ataqty óner sheberleri men ártisterdiń kóptep shaqyrylýy men úshin óte mańyzdy jáne olarmen birge jumys isteý qyzyqty. Shyǵarmashylyq turǵyda bundaı jumystar óte paıdaly. Kásibı baǵytta ózimdi damytýǵa jaqsy múmkindik aldym. Atap aıtqanda, osynda qalyp, jumysymdy jalǵastyrýdy joqqa shyǵarmaımyn. Barlyq turǵyndardy Astana kúnimen quttyqtaımyn. Árbir qazaqstandyqtyń otbasyna amandyq tileımin!»,-dedi balet bıshisi.
