«Astana arýy - 2015» sulýlyq baıqaýynyń jeńimpazy anyqtaldy (FOTO)
ASTANA. QazAqparat - Elordada «Astana arýy - 2015» múmkindigi shekteýli qyzdar arasyndaǵy sulýlyq baıqaýy aıaqtaldy. Tóreshiler úmitkerler arasynan Astananyń eń sulý arýyn tańdady. Atap aıtqanda, baıqaýdyń bas júldesi Sáýle Aıdarhanovaǵa buıyrdy. Al baıqaýdyń ekinshi vıtse-mıssi ataǵy Alıeva Sevdaǵa buıyrsa, Anjelıka Sergeeva birinshi vıtse-mıss atandy.
«Biz osy baıqaýdyń arqasynda kóptegen dos, qurby taptyq. Sondyqtan baıqaýdyń basqa qatysýshylaryna óz armandaryna qol jetkizý jolynda alǵa qadam basýlaryna tilektespin», - dedi «DOS» táýelsiz ómir» ortalyǵynyń, baıqaý tóreshileriniń tóraıymy Dına Erdildınova.
«DOS» táýelsiz ómir» ortalyǵy uıymdastyrǵan baıqaýǵa «QazAqparat» halyqaralyq aqparat agenttigi aqparattyq demeýshilik jasady. Sonymen qatar Qaırolla Ábishevtiń sán stýdııasy, Olga Krıýkovanyń dızaın jáne sán mektebi, Qazaqstan áıelderiniń respýblıkalyq keńesi de baıqaýǵa qoldaý kórsetti.
Aıta keterligi, «Astana arýy» baıqaýy aldaǵy ýaqytta jyl saıyn turaqty túrde ótkizilmek.
