«Astana arýy-2015» konkýrsynda brıllıant taratamyz - O.Radesh
ASTANA. QazAqparat - «Astana arýy-2015» konkýrsynyń júlde qory 1 mln teńgeni quraıdy. Bul týraly baspasóz máslıhatynda konkýrs dırektory Olga Radesh málim etti.
«Konkýrstyń júlde qory 1 mln teńgeni quraıdy. Budan tys, demeýshiler óz syılyqtaryn usynady. Tipti, syıǵa brıllıant ta taratamyz. Boıjetkenderimiz symbatyn joǵaltpasyn dep, fıtnes-klýbtarǵa abonementter beremiz»,-deıdi O.Radesh.
Buǵan deıin habarlaǵanymyzdaı, eń jasy 16 jastaǵy oqýshy men 23 jasqa deıingi stýdentter arasynan 20 boıjetken «Astana arýy» tájine «talasady». Baıqaýdyń bas júldesi men úsh ornyn ıelengen qyzdar «Qazaqstan arýy» jarysyna joldama alady. Bıyl «Astana arýy» konkýrsynyń kastıngine 200 boıjetken qatysqan. Sonyń ishinen iriktelgen 20 boıjetken kúnine 7-8 saǵattan, úsh apta boıy tynymsyz daıyndalyp jatyr eken.
