«Astana Arýy - 2012» ataǵyna úmitker qyzdar ózderiniń birkúndik tabystaryn operatsııaǵa zárý balalarǵa aýdarady

ASTANA. 15 qazan. QazAqparat - Uıymdastyrýshylar «Astana Arýy - 2012» baıqaýyn taǵy bir kezeńmen tolyqtyrdy, dep habarlandy www.astana.kz saıtynda.

Baıqaýdyń dırektory Gúlnár Júnisovanyń málimdeýinshe, endi qatysýshylardy qala balabaqshalarynda jáne saýda ortalyqtarynda jumys isteý kezeńi kútip tur.

«Kúndizgi tabys ota jasatýǵa muqtaj múgedek balalardyń shottaryna aýdarylatyn bolady», - dep habarlady uıymdastyrýshylar.

Bıylǵy jyly «Astana Arýy - 2012» baıqaýynyń uıymdastyrýshylary jobanyń áleýmettik mártebesine úlken nazar aýdardy. Buǵan deıin, Halyqaralyq qarttar kúninde baıqaýǵa qatysýshy qyzdar Qarttar úıine baryp, ondaǵy turǵyndarǵa teledıdar syılady. Boıjetkender spartakıada qatysýshylary - múmkindigi shekteýli az qamtylǵan otbasylardan shyqqan balalarǵa qoldaý bildirdi, sondaı-aq sýretshilerge balalar sýreti baıqaýynda qolǵabys etti.