Astana Art Fest 2016 barsha Qazaqstannan sýretshiler men dızaınerlerdi jınaıdy (FOTO)
ASTANA. QazAqparat - Astana kúnine arnalǵan Astana Art Fest zamanaýı óneriniń ekinshi festıvali 4-6 shildede ótedi. Óz týyndylaryn olar «Nurjol» jelekjoly aýmaǵynda kórsetedi.
Uıymdastyrýshylardyń habarlaýynsha, osy jyldyń negizgi taqyryby - «Human energy - Adam energııasy».
«Osy jyly festıvalǵa qatysatyndardyń basym bóligi qazaqstandyqtar. Taıaý shetelden de qonaqtar bar. Bizdiń mindetimiz - ujymdyq shyǵarmashylyq energııa úshin keńistik qurý. Qalany jelmen, kúnmen toltyryp, shyǵarmashylyq energııany Astana damýynyń qozǵaýshy kúshteriniń biri etý. Aıtqandaı, festıvalǵa qatysýshylardyń jumystary - músinder, balalar alańdary jaz boıy «Nurly jol» jelekjolynda astana turǵyndary men qonaqtaryn qýanyshqa bóleıtin bolady», - degen oıymen bólisti uıymdastyrýshy S. Samıdın.
Uıymdastyrýshylardyń ıdeıasymen Astana kúni elordanyń basty jelekjoly ǵalymdar, sáýletshiler, sýretshiler, mýzykanttar, bıshiler, ádebıetshiler tájirıbesiniń shyǵarmashylyq birlestiginen turatyn biregeı keńistikke aınalmaq.
Astana Art Fest 2016 tórt taqyryptyq keńistikti qamtıdy: zamanaýı óner, sáýlet, dızaın, teatr. Kórmeden basqa festıvalda Astana Art Forum pikirsaıys-bilim berý alańy jumys isteıtin bolady. Onda qatysýshylar dáris, sheberlik synyptaryn júrgizedi.
Zamanaýı qalalyq óner festıvali tek kóńil kóterý merekesi emes, ýaqyt mádenı sharalardan qalanyń, onyń shyǵarmashylyq, jasampaz energııasyn damytýǵa serpin beretin ózekti jańa ıdeıalar kútedi», - deıdi festıvaldiń bas kýratory ıAna Malınovskaıa. .
Eske salsaq, 2015 jyly Astana Art Fest festıaaline 44 qazaqstandyq, 10 sheteldik shyǵarmashylyq ókilderi qatysty. Úsh kúnde oǵan 300 myńdaı adam qatynasty.
