«Astana Arlanstyń» úshinshi maýsymdaǵy kezdesýleri telearnadan kórsetilmeýi múmkin
ASTANA. 3 qazan. QazAqparat - Qazaqstan kórermenderi «Astana Arlanstyń» úshinshi maýsymdaǵy kezdesýlerin kórmeýi múmkin. «Alaman» agenttiginiń málimetinshe, buǵan AIBA-nyń translıatsııany qymbattatýy sebep bolýda.
Habar telearnasy sport baǵdarlamalarynyń prodıýseri Ashat Jaqaevtyń aıtýynsha, bir kezdesýdi kórsetý quqyǵy 50 000 AQSh dollaryn quraıdy eken. Al «Astana Arlans» toptyq kezeńniń ózinde on kezdesý ótkizbek. «Bul degenińiz jarty mıllıon dollar. Bundaı somany tóleý telearnalar úshin ońaı emes», - deıdi ol.
