«Astana Arlans» jańa maýsymdaǵy alǵashqy kezdesýin qarasha aıynda «Los Angeles Matadors»-pen ótkizedi
TANA. 1 tamyz. QazAqparat /Qanat Mámetqazyuly/ - AIBA Atqarýshy komıtetiniń 31 shildedegi otyrysy barysynda Bokstyń Dúnıejúzilik serııasy (WSB) boıynsha komandalardyń 2011 - 2012 jyldar maýsymyna arnalǵan jerebesi tartyldy.
Búgin elordada ótken baspasóz máslıhatynda AIBA prezıdenti Chıng-Kýo Vý atalmysh týrnırdi ótkizý boıynsha birqatar ózgerister engizilgendigin de málim etti.
AIBA basshysynyń aıtýyna qaraǵanda, endigi kúni komandalar óńirlik konferentsııalardyń ornyna eki topqa bólinetin bolady. Komandalar turaqty maýsymda árbir qarsylastarymen úıinde jáne qonaqta baq synasyp, 10 kezdesýden ótkizedi. Toptar boıynsha eń úzdik, kóshbasshy 4 komanda pleı-off básekesine shyǵyp, onda kóshbasshylar qarsylas toptaǵy turaqty maýsymda alǵashqy oryndy ıelengen toppen kezdesedi. Al ekinshi nátıjege qol jetkizgen komanda qarsy toptaǵy komandamen kezdesip, ol boıynsha chempıonattyń úshinshi oryn ıesi anyqtalady.
Jerebe boıynsha qazaqstandyq «Astana Arlans» klýby túsken «A» tobyna «Dinamo Moscow» (Reseı), «Milano Thunder» (Italııa), «Pohang Poseidons» (Koreıa), «Los Angeles Matadors» (AQSh) komandalary jáne WSB-qa jańa qosylǵan «Mumbai» (Indııa) komandalary baq synaıtyn bolady.
Al «V» tobynda «Istanbulls» (Túrkııa), «Paris United» (Frantsııa), «Beijing Dragons» (Qytaı), «Baku Fires» (Ázerbaıjan), «Miami Gallos» (AQSh) jáne Dúnıejúzilik boks serııasynyń sapyna jańa qosylǵan «Germany» (Germanııa) komandasy bar.
Qazaqstandyq komanda óziniń alǵashqy kezdesýin AQSh-ta «Los Angeles Matadors» (AQSh) komandasymen 11 qarashada ótkizedi.
