«Astana Arlans» WSB fınalyn ótkizý úshin 600 myń dollar tóledi
ASTANA. QazAqparat - Búgin Astanada WSB fınalyn Qazaqstan elordasynda ótkizý úshin tıisti kelisimge qol qoıyldy. Aıta keteıik, bas júlde úshin aıqas "Kýba Domadores" pen "Astana Arlans" boksshylary arasynda ótedi.
"Búgin biz sulý qala Astanada aqtyq syndy ótkizý boıynsha sońǵy kelisimge qol qoıdyq. Biz fınaldy osy elde ótkizýge qýanyshtymyz. Sizder boks derjavalarynyń biri bolyp sanalasyzdar. Bes jyl buryn osy jobaǵa qosylyp, birden fınalǵa ótken edińizder. Sizder úlken abyroıǵa ózderińiz qol jetkizdińizder", - dedi WSB basshysy Karım Boýzıdı.
Boýzıdıdiń atap ótkenindeı, WSB fınalyn Qazaqstanda ótkizý "Astana-Arlans" klýbynyń basshysy Serik Sápıevtiń iskerligi arqasynda qol jetkizildi.
"Osy istiń basy-qasynda ebek etken, kelissózderge qatysqan barlyq adamdarǵa alǵys aıtamyn. Karım Boýzıdıge úlken rızashylyq bildiremiz. Búgin ıÝrıı Melnıchenkonyń týǵan kúni, quttyqtap qoıalyq. Aqtyq syn jaıly aıtsaq, bul kezdesý eń mańyzdy match jáne osy maýsymdaǵy eń aýyr judyryqtasýlardyń biri bolmaq", - dedi S. Sápıev.
WSB fınalyn ótkizý úshin AIBA-ǵa reglament boıynsha 600 myń dollar tólendi. Sápıevtiń aıtýynsha, taǵy qosymsha shyǵyndar bolady. Jeńis úshin komanda 500 myń AQSh dollaryn alady.
Aqtyq syn 20-21 maýsymda ótedi.
