«Astana Arlans» WSB-de jeńiske jetken jaǵdaıda 500 myń AQSh dollaryn alady
ASTANA. 27 sáýir. QazAqparat - «Astana Arlans»-tyń bas dırektory Bolat Mankenov Dúnıejúzilik boks serııasyndaǵy jeńis úshin syıaqynyń kólemi týraly aıtyp berdi.
«WSB-degi komandalyq jeńis úshin AІVA-nyń syıaqysy 500 myń AQSh dollaryn quraıdy», - dep málim etti komandanyń jetekshisi. Bul týraly «Sports.kz» habarlady.
Eske salaıyq, WSB-diń fınaly 10 jáne 11 mamyr kúnderi Astanada «Saryarqa» respýblıkalyq velotreginde ótedi.
