Astana Arlans ýkraındyq «atamandardy» 3:2 esebimen utýda - WSB fınaly
ASTANA. 11 mamyr. QazAqparat - Búkilálemdik boks serııasynyń úshinshi maýsymynyń alǵashqy fınaldyq kúninen keıin Astana Arlans komandasy Ukraine Otamans boksshylaryn 3:2 esebimen utty, dep habarlady Vesti.kz.
Alǵashqy fınaldyq kúni keshinde sońǵy urysta aýyr salmaqtaǵy Mıhaı Nıstor men Aleksandr Ýsık qolǵap túıistirdi. Nıstor bedeldi qarsylasynan qaımyqqan joq, birden alǵa shyǵyp, soqqylar almasty. Ýsık qashyqtan qolynyń uzyndyǵyn paıdalanyp, Mıhaıǵa birneshe soqqa darytty. Degenmen, alǵashqy eki raýndta ýkraındyq qolǵap sheberi basymdyq kórsetti. Úshinshi raýndta «arlandyq» aýyr salmaqty bylǵary qolǵap sheberi qarsylasyn eńserip, bul joly mereıi ústem boldy.
Biraq ta qalǵan eki raýndta Ýsık taǵy da basym túsip, «atamandarǵa» ekinshi upaı ákeldi.
Fınaldyń birinshi kúni, 10 mamyrda «arlandaq» Meıirbolat Toıtov, Sergeı Derevıanchenko jáne Hrvoe Sep jeńiske jetti. Olımpıadalyq chempıondar Vasılıı Lomachenko men Aleksandr Ýsık te Ýkraınanyń utysqa degen úmitin saqtap qaldy.
Búgin 11 mamyrda fınaldyq ekinshi kúngi saıystar ótedi, onyń sońynda WSB jańa chempıony anyqtalmaq.
