Astana Arlans ýkraınalyq atamandardy jeńip, Dúnıejúzilik boks serııasynyń chempıondary boldy
ASTANA. 12 mamyr. QazAqparat - Elordada "Astana Arlandary" (Astana Arlans) men "Ýkraına atamandary" (Ukraine Otamans) komandalary arasynda Dúnıejúzilik boks serııasynyń aqtyq kezdesýleri ótti.
Dúnıejúzilik boks serııasynyń (DBS) fınalynda ótken on kezdesýdiń nátıjesi boıynsha qazaqstandyq jáne ýkraınalyq komandalar arasyndaǵy esep 5:5 boldy. DBS-tyń erejesi boıynsha, chempıondyq ataq taǵdyry qosymsha aıqasta sheshildi.
54 kelige deıingi salmaqtyq dárejede qazaqstandyq komandanyń ókili Baǵdat Álimbekov «atamandardyń» moldavııalyq legıoneri Aleksandr Ryshkanǵa birde-bir múmkindik qaldyrmady.
Tóreshilerdiń biraýyzdan sheshimimen B.Álimbekov jeńimpaz, al Astana Arlans DBS-tyń chempıondary atandy.
Dúnıejúzilik boks serııasy. Úshinshi maýsym. Fınal. Astana, Qazaqstan.
Astana Arlans (Qazaqstan) - Ukraine Otamans (Ýkraına) - 6:5.
