Astana Arlans-tyń qos boksshysy kósh bastap keledi
ASTANA. QazAqparat - Astana Arlans klýbynyń qos sportshysy Búkilálemdik boks serııasynda kósh bastap keledi. Bul týraly Vesti.kz habarlaıdy.
Ashat Ýálıhanov (64 keli) pen Sergeı Derevıanchenko (75 keli) WSB-niń bıylǵy maýsymynda birde-bir ret jeńilis tappaǵan. Ekeýi de 3 kezdesý ótkizip, úsheýinde de jeńiske jetken.
«Arlandardyń» taǵy eki boksshysy ózderiniń salmaq dárejeleri boıynsha ekinshi orynda kele jatyr. Olar Mardan Berikbaev (49 keli) jáne Vasılıı Levıt (91 kelige deıingi salmaqta). Levıt osy maýsymda tórt kezdesýdiń barlyǵynda qarsylastarynan basym túsken bolsa da, kýbalyq Erıslandı Savonnan qalyp keledi.
Aıta keteıik, WSB reıtıngisinde úzdik shyqqan boksshylarǵa Rıo-de-Janeıro-2016 Olımpıada oıyndaryna joldama beriledi. 1 aqpan kúni reseılik komandany jeńgen Astana Arlans óz tobynda ekinshi keledi.
