«Astana Arlans-tyń» 1/2 fınaldaǵy qarsylasy belgili boldy
ASTANA. QazAqparat - Búkilálemdik boks serııasynyń 1/2 fınalynda qazaqstandyq «Astana Arlans-tyń» qarsylasy belgili boldy, dep habarlaıdy sports.kz
«Dolce & Gabbana Italia Thunder» - «Azerbaijan Baku Fires» jubynyń jeńimpazy bizdiń komandaǵa qarsylas atanatyn edi. Bakýde 0:5 esebimen utylǵan ıtalıandyqtar óz sharshy alańynda 4:1 esebimen qarymta qaıtardy. Alaıda bul jeńistiń ózi jartylaı fınal joldamasyn qaltaǵa basýǵa jetkiliksiz boldy. Kelesi kezeńge Ázerbaıjandyq komanda ótti.
«Astana Arlans» - «Azerbaijan Baku Fires» WSB jartylaı fınalynyń alǵashqy matchy 26 sáýir kúni Astanada ótedi.
Esterińizge sala keteıik, Almatyda ótken shırek fınaldyq qarymta matchta «Astana Arlans» germanııalyq klýbty 5:0 esebimen oısyrata utty. Al Germanııada «arlandar» 3:2 esebimen jeńiske jetken edi.
