«Astana Arlans»-«Patriot Boxing Team»: Nurbol Altaev 3-upaıdy el qorjynyna saldy
ASTANA. QazAqparat - Şýche qalasynda ótip jatqan Búkilálemdik boks serııasynyń (WSB) 8-maýsymy aıasynda Nurbol Altaev qarsylasy Rovshan ıAgýbzadeden basym tústi, dep habarlaıdy QazAqparat.
Aýyr salmaqta birqatar halyqaralyq týrnırlerdiń jeńimpazy Nurbol Altaev pen Reseıdiń Ortalyq Federaldy okrýgi chempıonatynyń jeńimpazy Rovshan ıAgýbzade arasyndaǵy jekpe-jekke barynsha tartysty ótti. Nátıjesinde tóreshilerdiń sheshimimen 2-1 esebimen qazaq boksshysy jeńiske jetti.
Alda 49 kelige deıin salmaqta Qazaqstannyń 4 dúrkin chempıony, Azııa chempıony, 2015 jáne 2017 jyldardaǵy WSB chempıony Temirtas Júsipov Reseıdiń Alys Shyǵys Federaldy okrýgi chempıonatynyń eki dúrkin chempıony, Borıs Sıdorovpen kezdesedi.
75 kelige deıingi salmaqta Qazaqstan chempıony birqatar halyqaralyq týrnırlerdiń júldegeri, 2017 jylǵy WSB chempıony Saparbaı Aıdarov reseılik tanymal boksshysy Rasýl Alıevpen judyryqtasýy tıis bolatyn. Alaıda, qazir onyń ornyna sharshy alańǵa Ábilhan Amanqul shyǵady.
Buǵan deıin 60 kelige deıin salmaq sanatynda sharshy alańǵa shyqqan Qazaqstannyń 3 dúrkin chempıony, Azııa oıyndarynyń chempıony, 2017 jylǵy jetinshi maýsymnyń WSB chempıony Іlııas Súleımenov Reseıdiń eki dúrkin chempıony Vasılıı Vetkınnen basym tústi.
Odan keıin 64 kelige deıin salmaqta sharshy alańǵa kóterilgen 2017 jylǵy WSB chempıony Dilmurat Májıtovte reseılik Konstantın Bogomazovtiń jolyn kesti.
Esterińizge sala ketsek, «Astana Arlans» boksshylary 2018 jyldyń birinshi shaıqasyn Qaraǵandy qalasynda 10 aqpan kúni «Indian Tigers» komandasyna qarsy ótkizgen bolatyn. Nátıjesinde arlandyqtar 4:1 esebimen jeńiske jetken edi.
