«Astana Arlans»-«Patriot Boxing Team»: Májıtov reseıliktiń meselin qaıtardy
ASTANA. QazAqparat - Şýche qalasynda ótip jatqan Búkilálemdik boks serııasy (WSB) 8 maýsymy aıasynda Dilmurat Májıtov reseılik Konstantın Bogomazovty jeńdi, dep habarlaıdy QazAqparat.
Qazaqstan chempıonatynyń júldegeri, 2017 jylǵy WSB chempıony Dilmurat Májıtov 64 kelige deıin salmaqta sharshy alańǵa kóterilip, Reseı chempıony Konstantın Bogomazovpen qolǵap túıistirgen bolatyn. Kezdesý barynsha tartysty ótti. Alǵashqy raýndtan-aq basymdyǵyn tanyta bilgen Dilmurat jekpe-jekti 3-0 esebimen óz paıdasyna sheshti.
Alda 49 kelige deıin salmaqta Qazaqstannyń 4 dúrkin chempıony, Azııa chempıony, 2015 jáne 2017 jyldardaǵy WSB chempıony Temirtas Júsipov Reseıdiń Alys Shyǵys Federaldy okrýgi chempıonatynyń eki dúrkin chempıony, Borıs Sıdorovpen kezdesedi.
75 kelige deıingi salmaqta Qazaqstan chempıony birqatar halyqaralyq týrnırdiń júldegeri, 2017 jylǵy WSB chempıony Saparbaı Aıdarov reseılik tanymal boksshy Rasýl Alıevten aılasyn asyrýǵa tyrysady.
Al aýyr salmaqta birqatar halyqaralyq týrnırdiń jeńimpazy Nurbol Altaev Reseıdiń Ortalyq Federaldy okrýgi chempıonatynyń jeńimpazy Rovshan ıAgýbzademen jekpe-jekke shyǵady.
Buǵan deıin 60 kelige deıin salmaq sanatynda sharshy alańǵa shyqqan Qazaqstannyń 3 dúrkin chempıony, Azııa oıyndarynyń chempıony, 2017 jyly jetinshi maýsymynyń WSB chempıony Іlııas Súleımenov Reseıdiń eki dúrkin chempıony Vasılıı Vetkınnen basym tústi.
Esterińizge sala ketsek, «Astana Arlans» boksshylary 2018 jyldyń birinshi shaıqasyn Qaraǵandy qalasynda 10 aqpan kúni «Indian Tigers» komandasyna qarsy ótkizgen bolatyn. Nátıjesinde arlandyqtar 4:1 esebimen jeńiske jetken edi.
