«Astana Arlans» - «Patriot Boxing Team»: Kim myqty
ASTANA. QazAqparat - Búgin Şýche qalasynda «Astana Arlans» Búkilálemdik boks serııasynyń (WSB) segizinshi maýsymynyń ekinshi jekpe-jegin Reseıdiń «Patriot Boxing Team» komandasymen ótkizedi, dep habarlaıdy QazAqparat.
Biraz ýaqyttardan keıin «Habar» telearnasynda tikeleı efırden kórsetiletin komandalardyń kezdesýi C1 toby boıynsha 49, 56, 64, 75, 91 kelige deıin salmaq sanattarynda ótedi.
Tarqata aıtar bolsaq, 49 kelige deıin salmaqta Qazaqstannyń 4 dúrkin chempıony, Azııa chempıony, 2015 jáne 2017 jyldardaǵy WSB chempıony Temirtas Júsipov Reseıdiń Alys Shyǵys Federaldy okrýgi chempıonatynyń eki dúrkin chempıony, Borıs Sıdorovpen kezdesedi.
60 kelige deıin salmaqta Qazaqstannyń 3 dúrkin chempıony, Azııa oıyndarynyń chempıony, 2017 jyly jetinshi maýsymynyń WSB chempıony Іlııas Súleımenov Reseıdiń eki dúrkin chempıony Vasılıı Vetkınmen sharshy alańda judyryqtasady.
Qazaqstan chempıonatynyń júldegeri, 2017 jylǵy WSB chempıony Dilmurat Májıtov 64 kelige deıin salmaqta sharshy alańǵa kóterilip, Reseı chempıony Konstantın Bogomazovpen aıqasady.
75 kelige deıin salmaqta Qazaqstan chempıony birqatar halyqaralyq týrnırdiń júldegeri, 2017 jylǵy WSB chempıony Saparbaı Aıdarov reseılik tanymal boksshysy Rasýl Alıevten aılasyn asyrýǵa tyrysady.
Al aýyr salmaqta birqatar halyqaralyq týrnırdiń jeńimpazy Nurbol Altaev Reseıdiń Ortalyq Federaldy okrýgi chempıonatynyń jeńimpazy Rovshan ıAgýbzademen jekpe-jekke shyǵady.
Esterińizge sala ketsek, «Astana Arlans» boksshylary 2018 jyldyń birinshi shaıqasyn Qaraǵandy qalasynda 10 aqpan kúni «Indian Tigers» komandasyna qarsy ótkizgen bolatyn. Nátıjesinde arlandyqtar 4:1 esebimen jeńiske jetken edi.
