«Astana Arlans»-«Patriot Boxing Team»: Іlııas Súleımenov Vasılıı Vetkınnen basym tústi
ASTANA. QazAqparat - Şýche qalasynda ótip jatqan Búkilálemdik boks serııasy (WSB) 8 maýsymy aıasynda Qazaqstan boksshysy Іlııas Súleımenov reseılik Vasılıı Vetkınnen basym tústi, dep habarlaıdy QazAqparat.
60 kelige deıin salmaq sanatynda sharshy alańǵa shyqqan Qazaqstannyń 3 dúrkin chempıony, Azııa oıyndarynyń chempıony, 2017 jyly jetinshi maýsymynyń WSB chempıony Іlııas Súleımenov pen Reseıdiń eki dúrkin chempıony Vasılıı Vetkın arasyndaǵy jekpe-jek barynsha tartysty ótti. Degenmen, tóreshiler sheshimimen Qazaqstan boksshysy 3-0 esebimen basym tústi.
Alda 49 kelige deıin salmaqta Qazaqstannyń 4 dúrkin chempıony, Azııa chempıony, 2015 jáne 2017 jyldardaǵy WSB chempıony Temirtas Júsipov Reseıdiń Alys Shyǵys Federaldy okrýgi chempıonatynyń eki dúrkin chempıony, Borıs Sıdorovpen kezdesedi.
Odan keıin Qazaqstan chempıonatynyń júldegeri, 2017 jylǵy WSB Kelesi kezekte chempıony Dilmurat Májıtov 64 kelige deıin salmaqta sharshy alańǵa kóterilip, Reseı chempıony Konstantın Bogomazovpen aıqasady.
75 kelige deıin salmaqta Qazaqstan chempıony birqatar halyqaralyq týrnırdiń júldegeri, 2017 jylǵy WSB chempıony Saparbaı Aıdarov reseılik tanymal boksshysy Rasýl Alıevten aılasyn asyrýǵa tyrysady.
Al aýyr salmaqta birqatar halyqaralyq týrnırdiń jeńimpazy Nurbol Altaev Reseıdiń Ortalyq Federaldy okrýgi chempıonatynyń jeńimpazy Rovshan ıAgýbzademen jekpe-jekke shyǵady.
Esterińizge sala ketsek, «Astana Arlans» boksshylary 2018 jyldyń birinshi shaıqasyn Qaraǵandy qalasynda 10 aqpan kúni «Indian Tigers» komandasyna qarsy ótkizgen bolatyn. Nátıjesinde arlandyqtar 4:1 esebimen jeńiske jetken edi.
