«Astana Arlans» meksıkalyqtarmen jekpe-jekke shyǵatyn sańlaqtaryn jarııalady
ASTANA. QazAqparat - Qazaqstandyq «Astana Arlans» kelesi kezdesýin «Mexico Guerreros» komandasymen ótkizedi, dep habarlaıdy Vesti.kz.
Osyǵan oraı astanalyq klýb atalmysh kezdesýge óz boksshylaryn saılap qoıdy. 52 keli salmaq dárejesinde jerlesimiz Mıras Jaqypov meksıkalyq boksshy Elıas Emıgdıomen sharshy alańǵa shyǵady. «Arlandar» kapıtany Samat Bashenov 60 keli salmaqta Lındolfo Delgado Garzaǵa qarsy judyryqtassa, 69 kelide Manat Ámirzaqov Marvın Kabreramen kúsh synasady. Aýyr salmaqtarda Astana Arlans namysyn eki horvatııalyq alyp qorǵamaq. 81 kelide Hrvoe Sep meksıkalyq klýbtyń legıoneri Petr Chebanýmen jekpe-jekke shyǵady. Al asa aýyr salmaqta Fılıpp Hrgovıch qarsylasy Herardo Mıgel Bısbalmen judyryqtaspaq.
Match 7 aqpanda Meksıkada ótedi.
Oǵan deıin «Astana Arlandary» óz jerinde 1 aqpan kúni Russian Boxing Team komandasymen qolǵap túıistirmek.
