«Astana Arlans» kóp jigitterdiń jolyn ashty - Bahtııar Artaev
«Astana Arlans» 8 maýsym ómir súrdi. AIBA-nyń oılap tapqan júıeleriniń biri (Búkiálemdik WSB boks serııasy - avt) bolǵandyqtan, bizdiń endi AIBA-dan shyqsaq pa degen nıetimiz bar. AIBA-nyń tipti keleshekte ómir súrýi nemese súrmeýiniń ózi suraqqa aınalyp tur. Sondyqtan, osy turǵyda «Astana Arlans» klýbyn japsaq dep oılap otyrmyz. Óıtkeni, qyzyǵy qyzyq bolǵanymen, birneshe másele týyndap jatyr», - dedi Olımpıada chempıony Bahtııar Artaev QazAqparat tilshisine Astanada ótken Qazaqstan boks federatsııasynyń otyrysynan keıin.
Bahtııar Artaev sonymen birge «Astana Arlans» kásipqoı sport klýbynyń artyqshylyqtary týraly da sóz qozǵady.
«Artyqshylyqtary jaıly aıtar bolsam, árıne, «Astana Arlans» jigitterdiń kásipqoı boksqa jaqsy daıyndady. ıAǵnı, kásipqoı boksqa aýysý aldynda jigitter birshama boı túzep, tóselip qalatyn. Odan keıin boksshylar jalaqysyn alyp, alǵa umtylýǵa múmkindik aldy. Boksshylardyń sany artyp, ekinshi jáne úshinshi nómirdegi, shyǵa almaı júrgen balalarǵa da úlken múmkindik beredi. Fanattardyń sany artty. Bylaısha aıtqanda, jaqsy jaqtary kóp. Jaman jaǵy joq dep aıtsam da bolady. Sebebi, «Astana Arlans» kóp jigitterdiń jolyn ashty», - deıdi ol.
Sonymen birge, Bahtııar Artaevqa «AIBA-men baılanys rettelgen jaǵdaıda «Astana Arlans» klýby qaıta ashylýy múmkin be?» degen suraq qoıdyq.
«AIBA eger jabylyp, jańa mekeme ashylyp jatatyn bolsa jáne olar usynys berip jatsa, qaıta ashylýy múmkin», - dedi Bahtııar Artaev.
Eske sala ketsek, qazaq boksynyń maqtanyshy, Olımpıada chempıony Baqtııar Artaev «Astana Arlans» kásipqoı boks klýbynyń dırektory bolyp osy jyldyń aqpan aıynda taǵaıyndalǵan bolatyn.
Al Qazaqstan boks federatsııasynyń búgingi otyrysynda federatsııasynyń vıtse-prezıdenti Danııar Ábilǵazın Qazaqstan Búkilálemdik WSB boks serııasynan shyǵyp, «Astana Arlans» boks klýbyn taratatynyn jarııalaǵan bolatyn.