«Astana Arlans» komandasynyń kelesi matchy 2 sáýirde Óskemende ótedi
PETROPAVL. QazAqparat - «Astana Arlans» komandasynyń kelesi matchy 2 sáýirde Óskemende ótedi. Bul týraly «Astana Arlans» bas dırektory, Olımpıada chempıony Serik Sápıev habarlady.
Eske sala ketsek, Dúnıejúzilik boks serııasy boıynsha turaqty chempıonat týrnırinde (WSB) qazaqstandyq «Astana Arlans» ben pýertorıkandyq «Puerto-Rico Hurricanes» klýby arasyndaǵy kezdesý 5:0 esebimen aıaqtaldy.
Serik Sapıev sportty keńinen nasıhattaý úshin jekpe-jekter eilimizdiń túrli óńirlerde ótkiziletinin atap ótti. «Soltústik Qazaqstan oblysy ákimdiginiń qoldaýymen matchty Petropavl qalasynda uıymdastyrdyq. Biz árbir jerlesimiz salaýatty ómir saltyn ustanýyn qalaımyz», - dedi Serik Sápıev.
Onyń aıtýynsha, «Astana Arlans» komandasynyń kelesi matchyn 2 sáýirde Óskemen qalasynda ótkizý josparlanyp otyr.
«Astana Arlans» Dúnıejúzilik boks serııasy boıynsha ataǵy kóp klýbtyń biri. Qazaq komandasy úsh márte boks serııasynyń aqtyq máresine shyqty. Eki ret 2013-2015 WSB chempıony atandy.
