«Astana Arlans» klýbynyń burynǵy boksshysy dopıng qabyldaǵany úshin bokstan shettetildi
ASTANA. QazAqparat - «Astana Arlans» kásibı boks klýbynyń burynǵy múshesi Almat Serimov dopıng qabyldaǵany úshin eki jylǵa bokstan shettetildi, - dep habarlady Qazaqstan boks federatsııasy.
Qazaqstannyń Ulttyq dopıngke qarsy ortalyǵynyń Tártiptik keńesiniń sheshimine sáıkes jáne Dúnıejúzilik boks serııasynyń dopıngke qarsy normalaryn buzýyna baılanysty Almat Serimov ulttyq, óńirlik, qurylyqtyq, halyqaralyq jarystarǵa qatysý quqyǵynan aıyryla otyryp, eki jylǵa bokstan shettetildi», - delingen taratylǵan habarlamada.
Almat pen «Astana Arlans» kásibı boks klýby arasyndaǵy eńbek sharty 2014 jylǵy 27 jeltoqsanda buzylǵany atap ótildi.
