«Astana Arlans» klýby WSB arnaıy syılyǵyna ıe boldy
ASTANA. QazAqparat - «Astana Arlans» kásibı sport klýby WSB (Búkilálemdik boks serııasy) arnaıy syılyǵyna ıe boldy, dep habarlady komandanyń baspasóz qyzmetinen.
«WSB qatysýshy 12 eldiń daýys berý nátıjesinde «Ádil oıyn úshin» (Fair Play Award) syılyǵy «Astana Arlans» klýbyna buıyrdy. Klýb birden eki nagradaǵa 2013 jáne 2014-shi jyldardyń syılyǵyna ıe boldy. Eki syılyq ta Qazaqstan boks federatsııasynyń murajaıyna berildi», - delingen habarlamada.
Osyǵan deıin habarlanǵandaı, qarasha aıynda klýbtyń bas menedjeri men bas bapkeri aýysqan. «Arlandardyń» jattyqtyrýshysy Marat Jákıev bolsa, bas menedjer retinde 2012 jylǵy Olımpıada chempıony Serik Sápıevtiń kandıdatýrasy bekitildi.
