«Astana Arlans» - «Cuba Domadores» sýpermatchynyń bıletteri satylymǵa shyqty
ASTANA. QazAqparat - «Chempıondar shaıqasy» sýpermatchynyń «Astana Arlans» pen «Cuba Domadores» arasynda 9-10 qyrkúıekte ótetin oıynynyń bıletteri satyla bastady, dep habarlady qazaqstandyq klýbtyń baspasóz qyzmetinen.
«Bıletter 20 tamyzdan «Jastar» jáne «Kongress-holl» kassalarynda, «Mega», «Kerýen», «Saryarqa» SOSO, «Meloman» jelilerinde saýdaǵa qoıyldy. Trıbýnadaǵy bıletterdiń quny 500 teńgeden 2000 teńgege deıin, parterde 3000 teńgeden 5000 teńge aralyǵynda. 9 qyrkúıekte bolatyn oıynnyń bıletteri sary tústi, al 10 qyrkúıektegi oıyndiki - kók tústi. Bılet bir kúnge ǵana jaramdy», delingen taratylǵan habarlamada.
Osyǵan deıin habarlanǵandaı, «Chempıondar shaıqasy» sýpermatchy eki kún qatarynan «Dáýlet» ulttyq tennıs ortalyǵynda ótedi.
