Astana Arlans-China Dragons: Shymbergenov naǵyz babynda ekenin kórsetti
ASTANA. QazAqparat - Tarazda ótip jatqan boks keshinde arlandyq Aslanbek Shymbergenov qytaılyq Taksymaımaıtı Haıshaerdi jeńdi, dep habarlaıdy QazAqparat.
Qazaqstannyń Astana Arlans komandasy men qytaıdyń China Dragons arasyndaǵy úshinshi kezdesýde 69 keli salmaq sanatynda Aslanbek Shymbergenov ben qytaılyq Taksymaımaıtı Haıshaer qolǵap túıistirgen bolatyn. 5 raýndtyq tartysty kezdesýde arlandyq boksshy qytaılyq aıdahardan basym ekendigin dáleldedi. Tóreshiler biraýyzdan jeńisti Qazaqstan boksshysyna berdi.
Alda 81 kelide Bek Nurmaǵambet Gegarıbý Tszenmen, +91 kelide Nursultan Amanjolov latvııalyq Evander Servýtpen judyryqtasady.
Aıta keteıik, alǵashqy kezdesýde 52 keli salmaq sanatynda sharshy alańǵa kóterilgen Sáken Bıbosynov Gýo Chjannan basym túsip, arlandyqtardy alǵa shyǵarǵan bolatyn.
Ekinshi kezdesýde Álimjan Beskempir (60 keli) Vý ıÝfendi súrindirdi.
Tarazda ótip jatqan Búkilálemdik boks serııasy (WSB) aıasyndaǵy Astana Arlans pen qytaılyq China Dragons arasyndaǵy bul kezdesý «Habar» telearnasynda tikeleı efırde kórsetilýde.
