Astana Arlans bokstyń Búkilálemdik serııasynda pleı-off-ta Argentina Condors bylǵary qolǵap sheberlerimen kezdesedi
ASTANA. 10 naýryz. QazAqparat - Bokstyń Búkilálemdik serııasynyń úshinshi maýsymynda Astana Arlans-tyń qarsylasy argentınalyq Argentina Condors komandasy bolmaq.
Bul týraly Vesti.kz habarlaıdy.
Argentınalyqtar óz tobynda tórtinshi orynǵa shyqty, olardyń 12 upaıy bar. Latınamerıkandyqtar qosymsha kórsetkishter boıynsha pleı-off-qa osynsha ball jınaǵan Russian Boxing Team komandasyn jibermedi. Endi Máskeýdiń ornyna alystaǵy Argentınaǵa bizdiń boksshylardyń barýyna týra keledi.
Aıtpaqshy, argentınalyqtardyń qyzyqty statıstıkasy bar. Olar úsh matchta jeńdi, altaýynda utyldy jáne bir ret teń oınady. Besinshi týrda aljırlik komandaǵa qarsy eki klýbtyń bokshylary 61 kelige deıingi salmaqta tarazyǵa ólshený rásiminen óte almady. Sondyqtan urys bolǵan joq, tórt jekpe-jek qana ótti.
Sondaı-aq ¼ fınalda mynalar kezdesedi:
Azerbaijan Baku Fires - Ukraine Otamans;
Dolce&Gabbana Italia Thunder - Hussars Poland;
British Lionhearts - Mexico Guerreros.
