«Astana Arlans» boksshysy Sergeı Derevıanchenko kásibı boksqa aýysady
ASTANA. QazAqparat - 28 jastaǵy ýkraındyq Sergeı Derevıanchenko endi baǵyn kásibı boksta synap kórmekke bel býdy, dep habarlaıdy vringe.com boxrec.com.-ǵa silteme jasap.
Nıkolaev qalasynda turyp jatqan orta salmaqtaǵy boksshy alǵashqy jekpe-jegin 21 maýsymda Ýılks-Barredegi Mohegan Sun Pocono Downs arenasynda (Pensılvanııa shtaty, AQSh) ótkizedi.
Aıta keter jaıt, taǵy bir ýkraındyq Anatolıı Dýdchenko Nadjıb Mohamedımen sharshy alańda judyryq túıistiredi. Olardyń jeńgeni jartylaı aýyr salmaqtaǵy WBA/IBF nusqasy boıynsha álem chempıony Bernard Hopkınspen kezdesetin bolady.
Eske sala ketsek, mamyr aıynyń basynda quramynda Derevıanchenko bar «Astana Arlans» komandasy bıylǵy WSB maýsymynyń fınalyna shyǵa almaı qalǵan bolatyn.
