«Astana Arlans» boksshylary WSB-degi jeńisteri úshin syıaqy almaıdy - sot sheshimi
ASTANA. QazAqparat - Keshe Astana qalasynyń Esil aýdandyq sotynda WSB Dúnıejúzilik boks serııasynyń besinshi maýsymynda «Astana Arlans»-tyń jeńisine berilgen syıaqyǵa qatysty istiń sheshimi shyqty, dep habarlaıdy Sports.kz.
WSB besinshi maýsymynda jeńiske jetken «Astana Arlans» klýbyna AIBA-dan 400 myń AQSh dollar aýdarylǵan. Biraq, ol qarajat boksshylarǵa da, bapkerlerge de jetpegen. Máseleni beıbit jolmen sheshe almaǵan chempıondar sotqa júgingen.
«Astana Arlans»-tyń Almatyda ótken tanystyrylymynda «Astana» prezıdenttik klýbynyń atqarýshy dırektory Amanbek Kúlshikov bul qarajatty jeke quramǵa syıaqyǵa berý kózdelmegenin jáne onyń aldaǵy taǵdyryn basshylyq sheshkenin aıtyp túsindirdi.
Keshe Astanadaǵy sotta daýly iske núkte qoıyldy. Sot úkimi boksshylar men bapkerlerdiń paıdasyna sheshilmedi.
