«Astana Arlans» boksshylary Reseıdiń «Dınamo» klýbyn jeńdi
ASTANA. 10 jeltoqsan. QazAqparat - «Astana Arlans» kásipqoı boksshylar klýby Búkilálemdik boks serııasy (WSB) aıasynda Reseıdiń «Máskeý Dınamo» komandasymen kezdesý ótkizip, 3:2 esebimen jeńiske jetti.
Kezdesý keshe Astana qalasynda «Dáýlet» sport kesheninde ótti.
Birinshi jekpe-jekte 54 kg deın salmaq dárejesindegi Astana Arlans ókili Rafıkjon Sultonov pen reseılik Anýar ıÝnýsov qolǵap túıistirdi. Alǵashqy raýndta qazaqstandyq komandanyń boksshysy óziniń qarsylasyn eseńgiretip tastady. Alaıda A. ıÝnýsov esin tez jıyp, match boıy Sultonovqa tegeýrindi qarsylyq kórsetti. Barlyǵy 5-shi raýndta ıÝnýsovtyń taǵy da bir ret nokdaýnǵa túsip qalǵannan keıin sheshildi. Qazylar biraýyzdan jeńisti Astana ókiline berdi.
61 kg deıingi salmaq dárejesinde Astana Arlans boksshysy Mereı Aqshalovqa qarsy Edýard Hýsaınov sharshy alańǵa shyqty. Kezdesýdiń birinshi raýndy Dinamo boksshysynyń basymdyǵymen aıaqtaldy. Qalǵan kezeńderde Aqshalov matchtaǵy ústemdikti ózine buryp aldy. Biraq 3-raýndta Hýsaınovtyń jaraqat alýyna baılanysty qazylar jekpe-jekti toqtatty. Astana Arlans boksshysy tehnıkalyq nokaýtpen jeńiske jetti.
73 kg deıingi salmaq dárejesinde ótken úshinshi kezdesýde jankúıerlerdiń súıiktisine aınalǵan qazaqstandyq nokaýtshy Qanat Islam sharshy alańǵa shyqty. Bul jekpe-jekte Kanattyń kelesi jeńisi toılanady dep kútilgen bolatyn. Alaıda onyń qarsylasy Aleksandr Ivanov 5 raýnd boıy belsendilik kórsetip, bul bojamdy joqqa shyǵardy. Reseılik boksshy Q. Islamdy shamaly upaı sanymen jeńip ketti.
Kelesi kezdesýde (85 kg deıin) Astana Arlans klýbynan Danııar Ústembaev pen Dinamo komandasynan Aleksandr Gvozdık ózara jekpe-jekte kim myqtyny anyqtady. Alǵashqy eki raýndta boksshylardyń upaıy birdeı boldy, degenmen úshinshi raýndta qazaqstandyq qatty jaraqat alyp qaldy. Qazylar jeńisti qarsylas klýbtyń ókiline berdi.
Nátıjesinde match taǵdyry asa aýyr salmaqtaǵy boksshylar arasyndaǵy jekpe-jekte sheshiletin boldy. Bizdiń komandanyń ókili Rýslan Myrsataevqa máskeýlik Sergeı Kalchýgın qarsy turdy. Alǵashqy 3 raýndta Rýslan Myrsataev óziniń qarsylasyna utylyp keldi. Biraq qazaqstandyq sportshy match sońyn óz paıdasyna qaraı oıystyrp alyp, úlken kúsh pen qaırattylyǵynyń arqasynda aýyr jekpe-jekti jeńispen aıaqtady. Sol jeńisimen ol Astana Arlans klýbyna WSB maýsymyndaǵy birinshi jeńisin alyp berdi. Bunyń aldynda Astana arlandary Los Angeles Matadors jáne Dolce & Gabbana Milano Thunder komandalarymen kezdesý ótkizip, ekeýinde de utylyp qalǵan bolatyn.
