«Astana Arlans» boksshylary «China Dragons» komandasyn aıqyn basymdyqpen jeńdi
ASTANA. QazAqparat - «Astana Arlans» boksshylary WSB jańa maýsymynda óz elinde ótken kezdesýde «China Dragons» komandasyn aıqyn basymdyqpen jeńdi, dep habarlaıdy QazAqparat.
Atyraýda ótken aıqastyń taǵdyry úshinshi kezdesýde sheshildi. 64 kelige deıingi salmaqta Dilmurat Mıjıtov qarsylasy Lıý ıAndy aıqyn basymdyqpen jeńip, komandasyna jeńis syılady. Ol 4-shi raýnda qytaılyq boksshyny eki márte nokdaýnǵa túsirdi, alaıda qarsylasy esin jıyp, kezdesýdi jalǵastyra aldy.
Aıta keteıik, alǵashqy eki kezdesýde Temirtas Júsipov (49 kılogramm) pen Іlııas Súleımenov (56 kılogramm) komandalastaryna upaı syılaǵan bolatyn. 4-shi bolyp rıngke shyqqan Saparbaı Aıdarov (75 kg) Mıngang Jao-ny 3:0 esebimen jeńdi (50:45, 50:45, 50:45), sondaı-aq Anton Pınchýk (91 kg) ta Sergeı Novıkovty- 3:0 (49:46, 50:45, 50:45) esebimen tize búktirdi.
