Astana Arlans boksshylary Argentina Condors komandasyna ese jiberdi
ASTANA. 25 naýryz. QazAqparat - Qazaqstandyq Astana Arlans komandasy Búkilálemdik boks serııasynyń (WSB) alǵashqy shırek fınaldyq básekesinde Argentina Condors boksshylaryna ese jiberdi.
Matchtyń alǵashqy kezdesýinde 54 kelige deıingi salmaq dárejesinde otandasymyz Erlik Ábdiraıymov óziniń qarsylasy Alberto Melıanǵa jol berdi. Kelesi jekpe-jekte 61 keli salmaqta óner kórsetken Astana Arlans quramasynyń kapıtany Samat Bashenov argtınalyq Ronan Sanchezdi jeńip, matchtaǵy esepti teńestirdi. WSB týrnıriniń bıylǵy maýsymynda jeńilis kórmegen astanalyq komandanyń legıoneri Sergeı Derevıanchenko bul joly Karlos Braıan Kastanodan aılasyn asyra almady. Astana Arlans boksshysy, horvatııalyq Hrvoe Sep te (85 keli) qarsylasy Jamıl Peraltaǵa jeńisti qoldan berip qoıdy.
Matchtyq kezdesýdiń aýyr salmaq ıeleri arasynda ótken sońǵy jekpe-jeginde «Astana Arlandarynyń» gúrzi judyryq boksshysy rýmyn Mıhaı Nıstor sharshy alańda qarsylasy Oskar Rıkardo Peresti ekinshi raýndta nokaýtpen jeńdi.
Osylaısha, qazaqstandyq "Astana Arlandary" 2:3 esebimen Argentına boksshylaryna tize búkti. Eki komanda arasyndaǵy kelesi kezdesý 29 naýryz kúni Almaty qalasynda ótetin bolady.
