«Astana Arlandarynyń» WSB tórtinshi maýsymyndaǵy qarsylastary belgili boldy
ASTANA. 3 shilde. QazAqparat - Búkilálemdik boks serııasynyń qazirgi chempıondary Astana Arlans quramasynyń WSB-diń tórtinshi maýsymyndaǵy qarsylastary anyqtaldy.
Shveıtsarııalyq Lozanna qalasynda jerebe tartylyp, jerlesterimiz V tobyna tústi. Olar toptyq kezeńde Mexico Guereros, Cuba Domadores, Azerbaijan Baku Fires, Russian Boxing Team jáne Hussars Poland quramalarymen qolǵap túıistirmek. Astana Arlans ózderiniń ataqtaryn qorǵaý jolynda alǵashqy kezdesýlerin óz alańdarynda ázerbaıjandyq Baku Fire komandasymen ótkizbek.
Al A tobyna Ukraine Otamans, Italia Thunder, USA Knockouts, Argentina Condors, Algeria Desert Hawkes jáne German Eagles quramalary enip otyr.
Birinshilikke ózgerister engizildi. Endi jekpe-jekter ádettegideı bes emes, on salmaq dárejesi boıynsha uıymdastyrylady jáne maýsymnyń qorytyndysy boıynsha olımpıadalyq lıtsenzııalar oınatylady.
