«Astana arlandarynyń» shırek fınaldaǵy qarsylastary anyqtaldy
ASTANA. QazAqparat - Búkilálemdik boks serııasynda (WSB) óner kórsetetin «Astana arlandarynyń» shırek fınalda kezdesetin qarsylastary belgili boldy, dep habarlaıdy QazAqparat tilshisi.
Jobanyń jetinshi maýsymyndaǵy shırek fınalda «arlandarymyz» reseılik «Reseı patrıottary» komandasymen kezdesedi. Alǵashqy aıqas 11 mamyrda Kemerovo qalasynda ótse, ekinshi qarymta kezdesý 20 mamyrda Almatydaǵy «Almaty - Arena» sport kesheninde ótedi.
Otandastarymyz bıylǵy maýsymnyń toptyq kezeńinde «Reseı patrıottary» komandalarymen eki ret aıqasqan bolatyn. Máskeýde bolǵan birinshisinde «arlandar» 3:2 esebimen basym tússe, Taraz tórinde ótken kezdesýde 4:1 esebimen jeńdi.
«Astana arlandary» men «Reseı patrıottary» komandasy arasyndaǵy jeńimpaz jartylaı fınalda «Italııa Tander» - «Kolýmbııa Heroıkos» jubynyń jeńimpazymen kezdesedi.
Sonymen qatar bıylǵy maýsymnyń shırek fınalynda «Ózbek jolbarystary» «Kýba qabylandarymen» kezdesse, «Frans Faıtıng Rýsters» men «Brıtısh Laınharts» jáne «Italııa Tander» men «Kolýmbııa Heroıkos» juptary kúsh synasady.
