«Astana arlandarynyń» meksıkalyq qarsylastary belgili boldy
ALMATY. 29 aqpan. QazAqparat - Astanada 2 naýryzda Búkilálemdik boks serııasy aıasynda «Astana arlandary» men «Mehıko jaýyngerleri» arasynda shırek fınaldyq saıys ótedi.
Onda Beıbit Esjanov Habıbýlla Ismaıl-Ahýnov (54 kg), Mereı Aqshalov (61 kg), Rýstam Svaev (73 kg), Ramjon Ahmedov (85 kg) pen Rýslan Myrsataevqa (+91 kg) senim bildirýde. Meksıkanyń «Mexico City Guerreros» («Mehıko jaýyngerleri») bul synda Elıas Emıgdıo (Elias Emigdio), Angel Gýtıerrez (Angel Gutierrez), Dmıtro Mıtrafanov (Dmitro Mytrofanov), Kennedı Katende (Kennedy Katende), Omar Garsıa (Omar Garcia) syndy bylǵary qolǵap sheberlerine úmit artyp otyr. Bul jekpe-jekte astanalyqtar legıonerlerden ózbekstandyq R. Ahmetovke, al mehıkolyqtar ýkraınalyq D. Mıtrafanov pen shvetsııalyq K. Katendeni úkilep qospaq.
Búkilálemdik boks serııasynyń 2011/2012 jylǵy ekinshi maýsymyndaǵy irikteý kezeńinde «Astana arlandary» «A» tobynda 22 upaımen 3-oryn alǵan edi. Al «Mehıko jaýyngerleri» 20 upaımen «V» tobynda 2-oryn alǵan bolatyn. Onda astanalyqtar 7 jekpe-jekte qarsylastarynan ústem shyǵyp, úsheýinde jeńilis tapsa, mehıkolyqtar 6 kezdesýde jeńis toıyn toılap, tórteýinde basymdyqty qarsylasyna berip qoıǵan bolatyn.
