«Astana arlandarynyń» kapıtany saılandy
ASTANA. QazAqparat - Búkilálemdik boks serııasynyń bıylǵy maýsymynda «Astana arlandary» boksshylaryn kapıtan retinde Oljas Sáttibaev saılandy, dep habarlaıdy QazAqparat tilshisi.
Áýesqoı boksta el namysyn abyroımen qorǵap júrgen bylǵary qolǵap sheberi Oljas Sáttibaev «Astana arlandary» komandasynda 2013 jyldan beri óner kórsetip keledi. 2015 jyly «arlandar» sapynda Búkilálemdik boks serııasynyń chempıony atandy. Byltyr naýryz aıynda Qytaıda ótken Olımpıada oıyndarynyń irikteý týrnırinde qola júldege ıe bolyp, tórtjyldyqtyń basty dodasyna joldama jeńip aldy.
Jalpy Oljas WSB jobasyna qatysa júrip, mol tájirıbe jınady. Burynǵydan da shıryǵa tústi. 2015 jyly Azııa qurlyǵynda ózine teń keler qarsylas joq ekenin dáleldedi.
Ulttyq quramada biraz jyl ter tókken tájirıbeli boksshy Oljasty bıyl «Astana arlandarynyń» klýby bıylǵy maýsymnyń kapıtany etip saılady.
Oljastyń jetistikteri
Jasóspirimder (kadetter) arasyndaǵy álem chempıony. Ulybrıtanııa-2005.
Jastar arasyndaǵy álem chempıonatynyń kúmis júldegeri. Marokko-2006.
Azııa chempıonatynyń qola júldegeri. Qytaı-2009.
Áskerıler arasyndaǵy álem chempıony. Almaty-2014.
QR Boks federatsııasy kýbogynyń ıegeri.
WSB chempıony. Astana-2015.
Azııa chempıony. Taıland-2015.
Qazaqstannyń úsh dúrkin chempıony. Qazaqstan-2008, 2009, 2014.
Rıo-de-Janeıro Olımpıadasyna joldama beriletin «A» dárejesindegi týrnırdiń qola júldegeri jáne 2016 jylǵy jazǵy Olımpıada joldamasynyń ıegeri. Kóptegen halyqaralyqt týrnırlerdiń jeńimpazy.
