«Astana arlandarynyń» daıyndyǵy joǵary deńgeıde - Bolat Mankenov
GÝıANG. 6 mamyr. QazAqparat /Erlik Erjanuly/ - Búkilálemdik boks serııasynyń aqtyq saıystarynda qytaılyqtar «Astana arlandaryna» jankúıer bolmaq.
Qazaqstandyq komandanyń bas dırektory Bolat Mankenovtyń aıtýynsha, jarysty orta jolda aıaqtaǵanyna qaramastan Azııa qurlyǵynda bir topta óner kórsetken «Beıjiń aıdaharlary» klýbynyń menedjerleri olarǵa tilekshisi bolatynyn aıtqan. Ózge komandalardaǵy áriptestermiz osyndaı ystyq yqylasyn bildirýde.
«Frantsýzdar da Qazaqstannan bul matchqa jankúıerlerdiń arnaıy kelip jatqandaryn kórip óz tańdanystaryn bildirýde. Jalpy biz bir-birimizge qarsylas bolǵanymyzben sharshy alańnyń syrtynda dostyq qarym-qatynas jasaımyz. Óıkeni sporttyń ulty joq. Onda násiline, ultyna, jynysyna, dinı senimine qaramastan barlyq adam teń», - deıdi Bolat Mankenov. Osyndaıda Per de Kýbertenniń Olımıada oıyndaryna qatysýshy sportshylardyń uranyna aınalǵan «Bastysy - jeńis emes, qatysý» degen sózi eriksiz eske túseri anyq. Óıtkeni Halyqarlyq áýesqoı boks qaýymdastyǵynyń uıytqy bolýymen 2010 jyldyń qarasha aıynda Almatyda bastaý alǵan Búkilálemdik boks serııasy aıasyndaǵy jekpe-jekke Azııa, Eýropa, Amerıkadan 12 eldiń komandasy qatysty. Alaıda olardyń arasynan aqtyq synda baq synaý mártebesine Eýropadan Frantsııa, Azııadan Qazaqstan ǵana ıe bolyp otyr. Bul synda «Astana arlandary» sapynda eki ózbekstandyq, al «Parıj ıýnaıted» sapynda aljırlik, grýzııalyq, ırlandııalyq jáne horvatııalyq 4 legıonerler óner kórsetetin bolady.
