«Astana arlandarynyń» boksshysy M.Nursultanov reseılik S.Sıdıkovty aıqyn basymdyqpen utty
ASTANA. QazAqparat - Elordadaǵy «Dáýlet» sport kesheninde ótip jatqan Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandarynyń» boksshysy Meıirim Nursultanov Reseıdiń «Rashn Boksın Tım» komandasynyń múshesi Sýhrob Sıdıkovti utty.
Tóreshilerdiń 50:45, 50:45, 49:46 esebimen M.Nursultanov reseılik qarsylasynan basym tústi. Búgingi kúnniń sońǵy jekpe-jegi Vasılıı Levıt pen Vıtalıı Kýdýhov arasynda ótedi. Aıta keteıik, elordadaǵy «Dáýlet» sport kesheninde Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandary» men Reseıdiń «Rashn Boksın Tım» komandasy arasyndaǵy kezdesý ótýde. Búgin 5 jup judyryqtasady. Eki komanda arasyndaǵy qalǵan salmaq sanatyndaǵy boksshylardyń jekpe-jegi erteń ótedi. Bul kúni sharshy alańda Oljas Sáttibaev pen Karen Arýtıýnıan (52 keli), Zakır Safıýllın men Artýr Sýbhankýlov (60 keli), Nurdáýlet Jarmanov pen Edýard ıAkýshev (81 keli), Erkin Muhamedjan men Dmıtrıı Zaıtsev (91 keliden joǵary) aıqasatyn bolady. Al 69 keli salmaq sanatynda el namysyn Aslanbek Shymbergenov qorǵap, reseılik ıAkýb Nýrıevpen judyryq túıistirýi tıis edi. Biraq jattyqtyrýshylar onyń ornyna Danııar Eleýsinovti shyǵarý týraly sheshim qabyldady.
