«Astana arlandaryn» utqan «Parıj ıýnaıted» Búkilálemdik boks serııasynyń kýbogyn ıelendi
ALMATY. 10 mamyr. QazAqparat /Erlik Erjanuly/ - Mamyrdyń 6-7 kúnderi Qytaıdyń Gýıang qalasynda «Astana arlandary» men «Parıj ıýnaıted» komandalary arasynda Búkilálemdik boks serııasynyń aqtyq saıysy ótti.
Gýıang ýnıversıtetiniń sport kesheninde 6 mamar kúni bolǵan alǵashqy synda qazaqstandyqtar Frantsııadan kelgen qarsylastarynan 3:2 esebimen basym túsken edi. Onda «Astana arlandarynyń» qorjynyna grýzııalyq Georgıı Kılanovty upaı sanymen utqan Qanat Ábýtálipov (54 kg), Stefan Nevastyń bapkerlerin jarysty alǵashqy raýndta-aq aıaqtatýǵa májbúr etken Qanat Islam (73 kg) jáne horvatııalyq Sep Hrvojeden basym túsken Ramjon Ahmetov (+91 kg) 3 upaı salǵan edi.
7 mamyrda olardyń qataryn 61 kelidegi Abdelkadyr Shadıdi jeńgen Erjan Músápirov (47:48, 46:49, 48:49) tolyqtyrdy. Ókinishke qaraı, qalǵan úmit artqan boksshylarymyz jeńilip qaldy. Máselen Mirjan Rahymjanov ırlandııalyq Djon Djozef Nevıngten, 73 kelide Baqyt Sársekbaev Mıshel Tavaresten, 85 kelide Marat Moldagereev Abdýlkader Býhenıadan, asa aýyr salmaqta ózbekstandyq Sardor Abdýllaev horvatııalyq Fılıpp Hrgovıchten utylyp qaldy. Al birinshi kúngi jekpe-jekt Mereı Aqshalov Rashıd Azzedınge (61 kg), Rýslan Myrsataev Tonı Iokaǵa (+91 kg) ese jibergen edi. Osylaısha qorytyndy esep 6:4 bolyp aıaqtalyp, «Parıj ıýnaıted» Halyqaralyq áýesqoı boks qaýymdastyǵy uıymdastyrǵan Búkilálimdik boks serııasy jobasynyń alǵashqy jeńimpazy atandy. Olarǵa WBS kýbogy men 500 myń AQSh dollary kólemindegi syıaqy berildi. Al «Astana arlandary» klýby 150 myń dollardy qanaǵat tutty.
