«Astana arlandary» jeńilissiz kele jatqan «Brıtan arystan júrektilerin» tas-talqan etti
ALMATY. 9 jeltoqsan. QazAqparat - Almatydaǵy Balýan Sholaq atyndaǵy sport saraıynda Búkilálemdik boks serııasynyń (WBS) úshinshi maýsymyndaǵy "Astana arlandary" (Astana Arlans) men "Brıtan arystan júrektileriniń" (Brititish Leonhearts) jekpe-jegi ótti.
Onda tájirıbeli Mıras Jakypov (54 kg) ulybrıtanııalyqtardyń debıýtanty Jamal ıAfaıdy 3:0 esebimen utyp, jańa maýsymdaǵy ekinshi iri jeńisine qol jetkizdi. Buǵan deıin ol Kıevte «Ýkraın atamandarymen» bolǵan alǵashqy jekpe-jekte Ivan Ilnıtskııdi utyp, astanalyqtardyń jeńisti jolyn bastaǵan bolatyn. Onda Vıacheslav Kıslıtsynǵa ese jibergen tájirıbeli Erjan Músápirov (61 kg) bul joly ulybrıtanııalyqtardyń debıýtanty Djosh Teılordan (3:0) eńsesi bıik boldy. Odan keıin eki komanda da sharshy alańǵa óz debıýtanttaryn shyǵardy. Munda aldymen «astanalyqtardyń» ızraıldik legıoneri Konstantın Snıgýr (73 kg) qonaqtardyń shotlandııalyq legıoneri Aston Braýndy aıqyn basymdyqpen utyp (3:0) «Astana arlandaryn» merziminen buryn jeńiske jetkizdi. Sonyń nátıjesinde qazaqstandyqtar «V» tobynda 3 kezdesýdiń qorytyndysy boıynsha jeńilissiz kele jatqan jalǵyz komandaǵa aınalfp, kóshbasshylyǵyn daralaı tústi.
Al jartylaı aýyr salmaqtaǵy estonııalyq Aınar Karlson (85 kg) shvetsııalyq Babakar Kamarany, asa aýyr salmaqtaǵy horvatııalyq Fılıpp Hrgovıch (+91kg) marokkolyq Muhammed Ardjaýıdi 3:0 etip jeńip, jalpy esepti 5:0-ge deıin jetkizdi. Sonyń nátıjesinde «Astana arlandary» qatarynan ekinshi ret qarsylastaryn 5:0 esebimen oısyra utyp, bul maýsymda WSB kýbogyn ıelenýden basty úmitker ekenin dáleldedi.
