Astana arlandary jankúıerine súıikti boksshysynan qoltańba alý múmkindigi týdy
ASTANA. 16 qańtar. QazAqparat - 17 qańtar kúni «Mega Almaty» saýda oıyn-saýyq ortalyǵynda Búkilálemdik boks serııasynyń turaqty maýsymy aıasynda kezdesetin Astana arlandary men ýkraın atamandary komandalalarynyń qatysýymen baspasóz máslıhaty bolady.
Eki komanda arasyndaǵy sharshy alańdaǵy aıqas 18 qańtar kúni Balýan Sholaq atyndaǵy sport saraıynda ótedi.
Jekpe-jekter myna boksshylardyń arasynda:
50-54 keli Mıras Jaqypov (Qazaqstan) - Aleksandr Rıskan (Moldovııa)
57-61 keli Samat Bashenov (Qazaqstan) - Dmıtro Rýdenko (Ýkraına)
68-73 keli Konstantın Snıgýr (Izraıl) - Ivan Golýb (Ýkraına)
80-85 keli Ehsan Rozbahanı (Iran) - Sergeı Lapın (Ýkraına)
+91 keli Rýslan Myrsataev (Qazaqstan) - Anatolıı Antonıýk (Ýkraına)
Aıta keterligi, bul jolǵy baspasóz máslıhaty túbegeıli jańa formatta ótpek. Naqty aıtqanda, birinshiden sharaǵa juma kúni judyryqtasatyn eki komandanyń boksshylarymen qatar Astana arlandarynyń barlyq músheleri de qatysady. Ekinshiden, baspasóz máslıhaty aıaqtalǵannan keıin boksshylar óz jankúıerlerine avtograf-sessııa ótkizedi.
Esterińizge sala keteıik, WSB turaqty maýsymy aıasynda josparlanǵan 10 kezdesýdiń 5-eýi ótip, Astana arlandary ǵana esh kezdesýde qarsylastaryna ese jibermedi.
