«Astana arlandary» jańa maýsymda kimdermen judyryqtasady
ASTANA. QazAqparat - Búkilálemdik boks serııasynyń (WSB) jańa maýsymyndaǵy «Astana arlandarynyń» qarsylastary belgili boldy, dep habarlaıdy QazAqparat.
«WSB» jobasynyń resmı saıty taratqan málimetke súıensek, jańa maýsymda dodaǵa 11 komanda qatysady. Komandalar qurlyqtar boıynsha úsh topqa bólindi. Jerebe tartý rásimi boıynsha «Astana arlandary» Azııa aımaǵyndaǵy topta Qytaı - «China Dragons», Úndistan jáne Reseı - «Patriot Boxing Team» komandasymen kezdesetin boldy.
Al Amerıka qurlyǵy boıynsha Kýba - «Cuba Domadores», Venesýela - «Venezuela Caciques», Kolýmbııa - «Colombia Heroicos» ózara myqtyny anyqtasa, Eýropa qurlyǵy arasynda Horvatııa - «Croatian Knights», Frantsııa - «Fighting Roosters», Anglııa - «British Lionhearts» jáne Italııa - «Italia Thunder» quramalary ózara synǵa túsedi. Sońynda ár qurlyqtyń jeńimpazdary naǵyz chempıondy anyqtaıdy.
Endi, komandalar týraly qysqasha toqtala ketsek, «Qytaı aıdaharlary» men «Reseı patrıottary» bul jobada buǵan deıin óner kórsetse, úndistandyq komandanyń áli resmı aty da quramy da belgisiz. Úndistandyq klýb bıyl jobaǵa qatysýdan tas tartqan «Ózbek jolbarystary» komandasynyń ornyn basyp otyr. Al eýropalyq komandalar arasynda jańadan Horvatııanyń komandasy qosyldy. Amerıka qurlyǵynda Argentına eliniń komandasy joq.
Esterińizge sala keteıik, «Astana arlandary» - WSB jobasynda bul serııany úsh ret jeńse, taǵy tórt ret kúmis júldeger atandy. Eki ret kýbolyq boksshylar top jarsa, Frantsııa men Italııa komandalary bir-bir retten jeńiske jetti.
