«Astana arlandary» taǵy da jeńiske jetti
ASTANA. 17 qańtar. QazAqparat - «Astana arlandary» klýby Dúnıejúzilik boks serııasynyń (WSB) Azııalyq konferentsııasy aıasyndaǵy altynshy jekpe-jekterin ótkizdi.
Dala arlandary osy alty kezdesýdiń tek bireýinde ǵana jeńildi.
Senbi, 15 qańtarda «Dáýlet» sport kesheninde elordalyq klýb koreılik «Inchhonnyń qyzyl qanattary» («Incheon red wings») klýbyn qabyldady. Koreılik klýbpen osymen ekinshi ret kezdesip otyrǵan «arlandar» alǵashqy kezdesýlerinde 4:1 esebimen jeńilse, bul joly qonaqtardy 5:0 esebimen oısyrata jeńdi. Bul týraly elordalyq týrızm, dene shynyqtyrý jáne sport basqarmasynan habarlady.
«Astana arlandarynyń» atynan 54 keli salmaqta Qanat Ábýtálipov, 61 keli salmaqta Mereı Aqshalov, 73 keli salmaq sanatynda Qanat Islam, 85 keli salmaq sanatynda Ramjon Ahmetov (legıoner), al 91 keli sanatta - Sardor Abdýllaev (legıoner) óner kórsetti. Olar qarsylastarynan basym túsip, Qazaqstanǵa aıqyn jeńis ákeldi.
«Arlandar» kelesi kezdesýlerin 29 qańtarda osy koreılik klýbpen ótkizedi.
