«Astana arlandary» óz jankúıerleri aldynda óner kórsetedi
ASTANA. QazAqparat - Erteń Astanadaǵy «Dáýlet» sport kesheninde bokstan tartysty kezdesýler bastalady. Senbi-jeksenbi kúnderi Búkilálemdik boks serııasy (WSB) jobasynyń besinshi maýsymynyń jartylaı fınalynda elimizdiń «Astana arlandary» komandasy men Reseıdiń «Rashn Boksın Tım» komandasy ózara myqtyny anyqtaıdy. Bul - sheshýshi synnyń biri.
«Astana arlandarynyń» bas bapkeri Marat Jaqıev jigitterdiń jartylaı fınalǵa jaqsy daıyndyqpen kelgenin málimdep otyr. Óz kezeginde reseılik komandanyń bas bapkeri Edýard Kravtsov ta óz boksshylarynyń jerge qaratpaıtynyna senimdi.
«Sport.kz» saıty aldaǵy bolatyn jekpe-jekke kimder shyǵatynyn jarııa etti. Sonymen 23 mamyr kúni sharshy alańǵa shyǵatyn boksshylardyń juby:
49 keli : Temirtas Júsipov - Vadım Kýdrıakov; 56 keli : Qaırat Eralıev - Vladımır Nıkıtın; 64 keli : Samat Báshenov - Grıgorıı Lızýnenko; 75 keli : Meıirim Nursultanov - Sýhrob Sıdıkov; 91 kelige deıin : Vasılıı Levıt - Vıtalıı Kýdýhov
Al 24 mamyr kúngi kezdesýde alańǵa shyǵatyn boksshylardyń juby mynadaı :
52 keli : Oljas Sáttibaev - Karen Arýtıýnıan;
60 keli : Zakır Safıýllın - Artýr Sýbhankýlov;
69 keli : Aslanbek Shymbergenov - ıAkýb Nýrıev;
81 keli : Nurdáýlet Jarmanov - Edýard ıAkýshev;
91 keliden joǵary : Erkin Muhamedjan - Dmıtrıı Zaıtsev
Osy boks keshin «Dáýlet» sport kesheninen kórip, otandyq komandamyzǵa jankúırlik jasaý úshin bıletter satylyp jatyr. Bıletterdi «Meloman» dúkenderi jelisinde, «Jastar» sport saraıynda, «Kongress-Holl» jáne «Qazaqstan» Ortalyq kontsert zalynyń kassalarynan alýǵa bolady.
Qos komandanyń tartysty jekpe-jegin «Habar» telearnasy qazaqstandyq kórermender nazaryna tikeleı efırde usynady dep kútilýde.
