«Astana arlandary» nemis boksshylarynan basym tústi
ASTANA. QazAqparat - «Astana arlandary» nemis boksshylarynan 3:2 esebimen basym tústi, dep jazady kazsporttv.kz.
Dúnıejúzilik boks serııasynyń shırek fınalyndaǵy «Team Germany» men «Astana arlandary» kezdesýiniń sońǵy jekpe-jeginde 91 keli salmaqtaǵy boksshylary sharshy alańǵa shyqty. Bul jekpe-jekte Vasılıı Levıtke germanııalyq Artýr Mann qarsylas atandy. Mann toptyq kezeńde eki ret jekpe-jek ótkizip, bireýinde ǵana jeńiske jetken.
Al álemdik reıtıngte ekinshi orynda turǵan Vasılıı Levıt toptyq básekede ótkizgen tórt jekpe-jektiń barlyǵyn jeńispen aıaqtaǵan. Bul joly da qazaqstandyq boksshy jekpe-jekti óz paıdasyna sheshildi. Vasılıı Levıt kezekti jeńisine qol jetkizip qoımaı, shırek fınaldyń alǵashqy kezdesýinde «Astana arlandaryna» jeńis ákeldi. Qorytyndy esep: «Astana arlandary» men «Team Germany» - 3:2.
Buǵan deıin Meıirbolat Toıytov pen Ashat Ýálıhanov qarsylastaryna ese jibergenimen, Temirtas Júsipov pen Sergeı Derevıanchenko óz jekpe-jekterin jeńispen aıaqtady.
«Team Germany» men «Astana arlandary» arasyndaǵy qarymta kezdesý 5 sáýirde Almatyda ótedi. Bul kezdesýde sharshy alańda «Astana arlandary» sapynan Mıras Jaqypov (52 keli), Samat Báshenov (60 keli), Meıirim Nursultanov (69 keli), Danabek Sýjanov (81 keli) jáne Rýslan Myrsataev (+91 keli) judyryqtasady. Sonymen qatar, qosymsha jekpe-jekke qajet bolǵan jaǵdaıda Іlııas Súleımenov shyǵady.
