«Astana arlandary» «Mexico Guerreros-ty» jeńdi
ASTANA. 13 sáýir. QazAqparat - Búgin WSB dodasynyń jartylaı fınalynda «Mexico Guerreros-qa» qarsy shyqqan «Astana arlandary» jeńiske jetti, esep 2:3.
Sharshy alańdaǵy barlyq kezdesýler óte tartysty ótti. Birinshi bolyp rıngke 54 keli salmaq sanatynda kóterilgen Meıirbolat Toıtov meksıkalyq Elıas Emıgdıony oısyrata utsa, odan keıingi 61 kelide judyryqtasqan Erjan Músápirov taǵy bir meksıkalyq Lýıs Danıel Flores Norbertodan aılasyn asyra almady. Sondaı-aq 73 kelide judyryqtasqan otandasymyz Abýıazıt Ýgýrchıevte bapkerler senimin aqtaı almaı meksıkalyq Marvın Kabreraǵa ese jiberdi. Tarazy basyn «Astana arlandary» sapyndaǵy legıoner Hrvoe Sep teńestirdi. Al bizdiń komandaǵa jeńisti horvatııalyq Fılıpp Hrgovıch syılady. 91 keliden joǵary salmaqta sharshy alańǵa kóterilgen ol pýertorıkalyq Herardo Mıgeldi aıqyn basymdyqpen utty.
Eki el boksshylarynyń qarymta kezdesýi 20 sáýir kúni Almatyda ótedi.
