«Astana arlandary» men «Ýkraına atamandary» ónerin tamashalaýǵa Taıson, Holıfıld jáne Pakıao shaqyryldy
ASTANA. 5 mamyr. QazAqparat - Astanada 10-11 mamyrda ótetin dúnıejúzilik boks serııasy (WSB) básekesiniń fınalyna dańqty boksshylar - Pakıao, Holıfıld jáne Taıson kelýi yqtımal.
Bul týraly Vesti.kz «Astana arlandary» klýbynyń bas dırektory Bolat Mankenovke silteme jasap habarlaıdy.
«Iıa, shyndyǵynda da biz fınalǵa daıyndyqty bastaǵan kezde atalǵan boksshylarǵa aqtyq synǵa qurmetti qonaq retinde qatysýǵa shaqyrtý jibergenbiz. Alaıda, ázirshe olardan jaýap kelgen joq", - degen B.Mankenov.
Bul boksshylardan bólek ýkraındyq komandanyń shashbaýyn kóterýge aǵaıyndy Klıchkolardyń bireýi keledi degen de joramal bar.
Eske sala keteıik, WSB-nyń bıylǵy maýsymdaǵy aqtyq jekpe-jeginde 10-11 mamyr kúnderi "Astana arlandary" men "Ýkraına atamandary" kezdesedi, dep jazady Baq.kz.
